Phönix-Ei
Da das Ei han ich gleit
Dermit widr eine seit
Grad und schepps, ja und nei
Sind all beidi einerlei
Misch dich ii, schtil dich wäg
Friss dr Dräck, läb im Späck
Und zeigt Wält dir dr Finger
Zeig ne au und säg läck
Odr frag: Gasch zum Pfarrer wägem Gebät
Odr wägem Gebäck
Sigs wes well, ds Läbe isch halt es Wunder
Amel wännd nöd dra krepiärsch
Nimm, was d‘ chasch, gib was häsch
Und verrauch dr Räscht
Amel wännd di nöd ziärsch
Speuz uf all dini Lehrer, dini Elträ, und mach es Fäscht
Leg Füür a dis Näscht
Schwing di uuf wiäne Ängel, nur blonder
Wobii gad geschtert hani gmeint
Heig mis Ei verleit
Hane Kutte aagleit
Und ha gseit, bi bereit
Drüümal, am Schluss hanis gschreit
Abr der a dr Pforte
Hät nur glacht und hat gmeint
Da chönnt e jede cho
Und erscht sell ich i mich go:
Chunsch zu üüs um Hergotts Lohn
Odr wetsch öppis vu sim Sohn
Sigs wes well, ds Läbe isch halt es Wunder
Amel wännd nöd dra krepiärsch
Nimm, was d‘ chasch, gib was häsch
Und verrauch dr Räscht
Amel wännd di nöd ziärsch
Speuz uf all dini Lehrer, dini Elträ, und mach es Fäscht
Leg Füür a dis Näscht
Schwing di uuf wiäne Ängel, nur blonder
Eigentlich wär da Glägeheit, noch öppis mit Ghalt z säge.
Aber mit dä Wort isch es ebä sone Sach.
Es bruucht si eigentlich nöd.
Ds Singe ja, ds Singe scho, mit Singe chum ich in än anderi Sphäre.
Mit Wort …
Schwing di uuf wiäne Ängel, nur blonder
Schwing di uuf wiäne Phönix, e Kondor